Diego San Jose irabazle, Feroz sarietan
San Josek gogoan izan ditu gurasoak eta Irun, "aupa Irun, gora San Martzial", esan zuen Komedia Onenaren Feroz saria jasotzera igo zenean.
Diego San Jose irundarraren Vamos Juan lanak Komediazko Telesail Onenaren Feroz saria erdietsi du bart gauean. Madrilgo Coliseum aretoan egindako galan San Josek gogoan izan zituen gurasoak: “Irunen daude; ez dakit Iruneraino iritsiko den YouTube, baina ikusten ari badira, Mari, Geromo, espero dut aurten iaz baino gehiago ikusi ahal izatea. [Sari] hau Irunera doa, Aupa Irun, Gora San Martzial”.
San Jose telesailaren sortzaile eta gidoilaria da. Javier Camara eta Maria Pujaltek dira protagonistak, eta Vota Juan telesailaren ondorengoa da. Juan Carrasco da protagonista, eta politika utzi eta gero, bizitza lasaia eramaten saiatzen ari da Logroñoko (Espainia) institutuko Biologia irakasle bezala. Bere anbizio gosea, ordea, ez da itzali, eta Madrilera joan eta alderdi politiko bat alderdi politiko berri bat sortzea bururatzen zaio. Hori lortzeko, funtsak lortu beharko ditu, eta ezarritako botereen kontra aritu.
San Josek ibilbide luzea egin du gidoilari bezala. Vaya Semanita eta telebistarako beste programa batzuetarako gidoiak egin zituen, eta, ondoren, zinemara salto egin zuen, Ocho Apellidos Vascos filmarekin ezagun eginez.