26 domina BATeko gazteentzat
16, 18 eta 20 urte azpikoen Euskadiko Txapelketa jokatu dute asteburuan BATeko gazteek. Oso fin aritu dira.
Bidasoa Atletiko Taldeko (BAT) gazteek asteburu oparoa izan dute Donostiako (Gipuzkoa) Anoetako belodromoan, bertan jokatutako 16, 18 eta 20 urte azpikoen Euskadiko Txapelketan. Izan ere, 26 domina irabazi dituzte kirolari bidasoarrek, urrezko 10, zilarrezko 6 eta brontzezko 10.
Ondorengo kirolariek eskuratu dute Euskadiko txapeldunaren titulua: June Lizaso (pentatloian, 20 urte azpikoetan) 3.250 punturekin, Paula Añorga (pertikako saltoan 20 urte azpikoetan) 3.56 metroko saltoarekin, Unai Gonzalez (pertikako saltoan 20 urtetik azpikoetan) 4.60 metroko saltoarekin, Iñigo Lavado (60 metro hesietan) 8,75 segundoko markarekin, Irune Muguruza (60 metro hesietan) 8.76 segundoko markarekin, Maria Lavado (60 metro hesietan) 9.54 segundoko markarekin, Laila Olaskoaga (200 metroetan, 18 urte azpikoetan) 26.01 segundoko markarekin eta Beñat Mikelarena (200 metroetan 18 urte azpikoen kategorian) 23.10 segundoko markarekin.
Bestalde, honakoak dira podiumera igotzeko aukera izan dutenak: Luken Aizpurua, Beñat Mikelarena, Eki Vicente, Urko Navarro, Alex Rodriguez, Malen de la Fuente, Imanol Bandres, Lucia Arrizabalaga, Eider Alzaga, Laia Olaskoaga, Nerea San Millan, Aritz Zuazo, Unai Martin, Irune Muguruza, Jare Garcia eta Unax Eraso.
