Hil amaierara bitarte luzatuko dute martxoaren 8ko egitaraua
Emakumeen Nazioarteko Egunaren harira, hamaika ekitaldi eta emanaldi antolatu dituzte hiriko elkarte feministek udalarekin batera.
Irungo Udalak dena prest du asteleheneko (hilak 8) Emakumeen Nazioarteko Egunerako. Gaur bertan aurkeztu dute hiriko elkarte feministekin batera landutako egitaraua, Miren Etxebeste Berdintasun saileko ordezkariak eta Koldo Zabalak.
«Hemen dugu berriz ere martxoaren 8a, eta bestela ezin izan, eta pandemiak eta haren ondorioek baldintzatu egin dute aurtengo egitaraua», esan du lehenik Miren Etxebestek. «Bizi dugun osasun krisiagatik, ezin gara kalera atera eta elkartu, beste urte batzuetan egingo genukeen bezala, baina beste gauza asko egin daitezke horrelako egun batean berdintasuna aldarrikatzeko, eta horretan jarriko dugu arreta», erantsi du.
Hala, aurtengo aldarrikapen egunerako hamaika proposamen zehatz antolatu dituzte, martxoa ekitaldi eta emanaldiz josi dute. Lehen ekitaldia, bihar (hilak 2) izango da, Gaurko Andreak elkarteko emakumeekin eta azkena aldiz, hilaren 20an, Parean elkartekoekin. Aurreratu dutenez, osasun neurri zorrotzak hartuko dituzte ekitaldi guztietan, eta bertaratzeko aldez aurretik izena ematea beharrezkoa izango da.
Honakoa da, datozen egunetarako antolatutako egitaraua:
- Martxoak 2 (asteartea): 19:00etan ‘Zure burua zaintzen’ izeneko mindfullness saioa egingo dute Amaia Urieta Garciarekin (Gaurko andreak berdintasunaren alde). Informazioa eta izen ematea: 665 73 53 33 edo gaurkoandreak.irun@gmail.com helbidera idatzita.
- Martxoak 4 (osteguna): 15:00etan, ‘Emakumeak historian’ izeneko tailerra, ‘Gure artean’ kulturarteko bitartekotza programaren barruan.
- Martxoak 5 (ostirala): 15:00etam, ‘Emakumeak historian’ izeneko tailerra, ‘Gure artean’ kulturarteko bitartekotza programaren barruan eta 17:00etan, Kahoot: ezaupide feministak jolasaren bitartez saioa.
- Martxoak 7 (igandea): 19:0etan film emanaldia Amaia KZN: ‘La boda de Rosa’. Sarrerak 5,50 euroan eskura daitezke.
- Martxoak 8 (astelehena): 19:00etan helduentzako clown antzerki saioa, Virginia Imazen eskutik, CBAn.
- Martxoak 9 (asteartea): 18:00etan Jantzari: Tradizioa eta Parekidetasuna dokumentala proiektatuk dute Amaia KZn; 19:00etan, Kantatu eta kontatu: Erradikalak ginen saioa egingo dute CBAn, Ane Labaka bertsolariarekin eta Beatriz Egizabal aktorearekin; 19:00etan ‘Zure burua zaintzen’ izeneko mindfullness saioa egingo dute CBAn Amaia Urieta Garciarekin (Gaurko andreak berdintasunaren alde).
- Martxoak 11 (osteguna): 19:00etan Asun Casasika ipuin lehiaketaren sari banaeta egingo dute, The Museum food&drinks-en (Parean Elkartea).
- Martxoak 16 (asteartea): 19:00etan ‘Zure burua zaintzen’ izeneko mindfullness saioa egingo dute Amaia Urieta Garciarekin (Gaurko andreak berdintasunaren alde)
- Martxoak 20 (larunbata): 11:00etan ibilbide historiko kulturala egingo dute Irunen barrena San Juan plazatik abiatuta (Parean Elkartea).
- Martxoaren 6tik apirilaren 3ra: ‘Neskato bat bezala borrokatzea’ erakusketa, Martindozenea gaztelekuan.
