San Lorentzo aintzira handituko dute Bidasoko alkateen eta Eusko Jaurlaritzaren adostasunaren ondorioz
"Gure ibai eta padura ingurune osoa pixkanaka berreskuratzen gabiltza" baieztatu du Jose Antonio Santano alkateak.
San Lorentzo aintzira handituko dute. Plaiaundiko Ekoetxean bildu dira gaur Eusko Jaurlaritzako ordezkariak eta Bidasoko alkateak. Bidasoa ibaiaren ertzetan egindako inbertsioei buruz hitz egin dute, hala nola, Etorbidearen zubiaren berreskuratzea edota Behobiaraino iristen den bidegorria izan dituzte hizketagai.
San Lorentzo aintzira handituko dutela eman dute jakitera gaurko prentsaurrekoan. Proiektuaren oinarri nagusia aintzira handitzea eta Mendelu eta Pierre Loti oinezkoentzako ibilbideak Plaiaundiko atzealdetik lotzea da.
Txingudiko Plan Zuzentzailea dela eta, azken urteetan 4 milioi euro erabili ditu Irungo Udalak Txingudiko ekosistema hobetzeko “Gure ibai eta padura ingurune osoa pixkanaka berreskuratzen gabiltza” baieztatu du Jose Antonio Santano alkateak.
Oraindik Plaiaundiko kirol instalakuntzak Txenpereneara aldatzea falta dela onartu du Santanok baina lanean dabiltzala azaldu du. Espainiako Gobernuak Artiako ibai ingurua birnaturalizatu nahi duela aurreratu du alkateak eta udala haiekin elkarlanean dabilela adierazi du.
Jaso ezazu HITZA etxean 7 hilabetez 35€ soilik ordainduta.
Euskaraldian harpidetzen direnen artean, Bertsolari Txapelketa Nagusiaren finalerako bi sarrera zozkatuko ditugu!
Zure ekarpena behar dugu, babestu Oarsoaldeko eta Bidasoko euskarazko komunikabidea.
