Desagertutako arrantzalearen bilaketa bukatutzat eman dute, aurkitu gabe
Orain dela bederatzi egun desagertu zen gizonaren bila abiatu dira gaur goizean. Ez dute aurkitu, eta bilaketa uztea erabaki dute.
Urtarrilaren 28an desagertu zen gizona, eta bederatzi egunez aritu dira bere bila.
SOS Deiak-ek jakinarazi duenez, Hondarribian galdutako arrantzalearen bilaketa lanak bukatutzat eman dituzte. Jaizkibelgo Biosnar lurmuturraren inguruan desagertu zen gizona urtarrilaren 28an, lagun batekin arrantzan ari zela. Bat-bateko itsaso-kolpe batek arroketara bota zuen.
Gaur eguerdian egin dute azkeneko bilaketa saiakera. Itsasoaren egoera hobetu dela eta, galdutako pertsonaren bila atera dira. Aurrekoetan bezala, baina, ez dute emaitzarik lortu.
Bilaketa lanak bertan behera geratu dira, eta ager daitekeen edozein aztarnarekin adi egongo direla jakinarazi dute.
SOS Deiak-ek eskerrak eman dizkie bilaketa lanetan aritu diren parte hartzaile guztiei, hala nola Gurutze Gorriari eta Ertzaintzaren Zaintza eta Erreskate Zerbitzuei.
