Bigarren eskuko etxebizitza publikoen eskatzaileen zerrenda zozkatuko dute otsailean
Izena emanda daudenen artean bizikidetza unitate mota bakoitzerako zerrenda osatuko du era horretan udalak.
Bigarren eskualdaketako etxebizitza publikoen zerrendan daudenen iazko zozketa. 
Bigarren eskualdaketako bizitza publikoen eskaeragile erregistroan daudenen arteko zozketa egingo du Hondarribiko Udalak datorren otsailaren 5ean, 12:00etan. Bizikidetza unitate ezberdinen arteko zozketa izango da, eta horien zerrenda osatzea izango da helburua. Notario aurrean egingo dute zozketa.
Hala, bizikidetza unitate mota bakoitzerako zerrenda bat osatuko da, eta zerrenda horren arabera esleitu ahal izango dira aipatutako etxebizitzak.
Izen emateak bi urtetik behin berritu behar direla gogoratu dute, eta beraz, hilaren 29ra arte horretarako aukera egongo da. BAZen berritu beharko dute interesdunek eskaera.
