Ricardo Jurado adituak beste bi ikastaro eskainiko ditu Jaizubia Hipikan
Hilaren 2 eta 3ko lehen saioek izandako arrakastak beste bi ikastaro magistral antolatzera animatu ditu. Hilaren 16tik 17ra bigarrena egingo dute, eta 30etik 31ra aldiz, hirugarrena.
Lehen ikastaroan ateratako irudia. Aurten bigarrenez Espainiako Hipika Errege Federazioko entrenatzaile ohi Ricardo Jurado Irunen izango da. Izan ere, lehen ikastaroak (hilaren 2an eta 3an egin zuten) izandako arrakastak beste bi saio antolatzera bultzatu ditu Jaizubia Hipikako kideak. Hala, hilaren 16tik 17ra bigarren ikastaro magistrala eskainiko du adituak, eta 30etik 31ra aldiz, hirugarrena.
Ikastaroetan zaldiketa edota zaldien entrenamendua hobetzen lagunduko die Juradok eskualdeko ikasleei. Guztira, 18 plaza egongo dira (soilik 30 eta 31ko saioetarako lekua geratzen da). Izena eman nahi dutenek Xabier Berrotaranekin (638 074 670) jarri beharko dira harremanetan eta Jaizubia Zaldi Eskolaren kontuan 100 euro ordaindu beharko dira.
