Irungo militante batzuen aldeko elkartasun zozketak baditu irabazleak
Irailean zenbait militanteri mozal legea aplikatu zieten haien jardunagatik, eta pare bat hilabetera isunak iritsi zitzaizkien. Azken hilabetean zozketarako txartelak saltzen aritu dira eskualdean.
Irungo zenbait gaztek jasotako isuna ordaintzeko abiatutako Elkartasun Zozketak baditu irabazleak. Lehengo saria 9.570 zenbakiduna izan da (Felix Manso jatetxean bi lagunentzako afariaz gozatuko dute); bigarren saria 3.436 zenbakiduna izan da (Liburu sorta bat jasoko du) eta hirugarren saria ordea, 5.587 zenbakiduna izan da (Biriatuko gazta eta mamiak jasoko ditu). Saridunek 15 eguneko epea edukiko dute kontaktuan jarri eta saria jasotzeko, helbide honetara idatzita.
Joan den irailean Irungo zenbait militante politikori mozal legea aplikatu zieten haien jardunagatik eta pare bat hilabete gerora, isunak iritsi zitzaizkien. Horri aurre egiteko elkartasun zozketa bat abiatu zuten zenbait herritarrek, militanteekin elkartasunez. Hala, azken hilabetean boletoak saltzen aritu dira Irun eta Hondarribiatik.
