'Bateragune auzia' salatu dute dozenaka herritarrek
'Demokrazia!' lelopean bost auzipetuek herritarren babesa jaso zuten larunbatean udaletxearen atarian egindako elkarretaratzean.
Bateragune auziarekin desadostasuna erakutsi dute herritarrek. 
Bateraguneko bost auzipetuek hondarribiarren babesa jaso zuten larunbatean, Hondarribiko Udaletxearen kanpoaldean egindako elkarretaratzean. Demokrazia! lemapean Hamarnaka lagunek bat egin zuten alderdi politiko, gehiengo sindikal eta eragile ezberdinek deitutako mobilizaziorekin.
Pasa den astean ezagutarazi zuen Espainiako Auzitegi Gorenak auzia berriz ere epaitzeko aho bateko erabakia. Arnaldo Otegi, Rafa Diez, Miren Zabaleta, Sonia Jacinto eta Arkaitz Rodriguez auzipetuen aldeko protestak Euskal Herriko txoko guztietan, Santiagon (Galizia) eta Bartzelonan (Herrialde Katalanak).
