Lakaxita gaztetxearen zatitxo bat etxera eramango dute irundarrek
2021eko egutegi berezia kaleratu berri dute, 10 euroan. Depor tabernan, Larragaine ostatuan edo gaztetxean bertan eskura daiteke.
Datorren urtean etxeko sukaldea, logela edota lanpostua apaintzeko Lakaxita gaztetxearen zatitxo bat zintzilikatu dezakete irundarrek. Izan ere, 2021erako egutegi berezia prestatu dute aurtengo Gabonei begira, eta dagoeneko eskura daiteke, 10 euroren truke. «Aurtengo aktibitateen geldierarekin bat asanbladako kideek, ilusio osoz, gure gaztetxearen memoriak batuz egutegi polit hau egin dugu guztiona den txoko autogestionatu honen zatitxo bat eduki dezazuen», esan dute Lakaxitako kideek.
Hilabete bakoitzeko irudi esanguratsu bat aukeratu dute. Azalean aldiz, honako esaldia irakur daiteke: «zeren kontra zauden baino gehiago, zer egiteko prest?».
Depor tabernan edo Larragaine ostatuan eros daiteke egutegia. Bestela, larunbat goizetan gaztetxetik pasatu daitezke interesdunek, aldez aurretik izena emanda (hemen).
