Osasun neurriak ez betetzeagatik 29 lagun isundu dituzte
Azken astean, hilaren 7tik 13ra bitarte zehazki, ia 30 isun espediente zabaldu ditu Udaltzaingoak Irunen.
![Irungo Udaltzaingoa](https://bidasoa.hitza.eus/site/files/2020/08/irun-udaltzaingoa.jpg)
Irungo Udalak gaur emandako datuen arabera, 30 isun espediente inguru zabaldu ditu Udaltzaingoak Irunen azken astean, COVID-19arekin lotutako neurriak ez betetzeagatik. Zehazki, hilaren 7tik hilaren 13ra bitarte, 29 lagun zigortu dituzte.
Isun gehienak zirkulazio askatasunera, ordutegia edo lagun talde kopurua ez errespetatzeagatik zabaldu dituzte; gainerako bi isunak musukoa ez erabiltzeagatik izan dira. Era berean, Udaltzaingoak jakinarazi du azken asteetan maiz bertaratu behar izan direla lokal eta tabernetan, itxiera ordutegian jende pilaketak izan baitira.