Asteburutik asteburura, 31 kutsatu gutxiago Bidasoan
Asteburu honetan Irunen eta Hondarribian COVID-19agatik 20 kutsatu gehiago atzeman dituzte. Aurreko asteburuan 51 izan ziren infektatuak.
Hilaren 4tik 6rako asteburuan COVID-19agatik 51 kutsatu izan ziren Bidasoan. Honetan (hilaren 11tik 13ra), berriz 20. Beraz, asteburutik astebururako aldea 30ekoa da, beherantz. Hala, azken asteburu honetan 15 kutsatu gehiago atzeman dituzte Irunen (11 ostiralean, hiru larunbatean eta bakarra atzo), eta bost Hondarribian (bana ostiral zein larunbatean, hiru atzo).
Horren ondorioz, astetik astera tasaren beherakada izan da Bidasoko herrietan, Irunen batik bat. Hemen tasa horiek:
- Irun: 248,75 (hilaren 6an 425,72).
- Hondarribia: 177,13 (hilaren 6an 206,05).
- Gipuzkoa: 336,72 (hilaren 6an 418,3).
Osasun Sailak datu horiek eta beste asko gaur eman ditu, txostenean. Hori ikusteko sakatu hemen.
