40 isun baino gehiago astebetean
COVID-19arekin lotutako osasun neurriak ez errespetatzeagatik 41 lagun isundu dituzte azken astean.
![Irungo Udaltzaingoa.](https://bidasoa.hitza.eus/site/files/2020/08/irungo_udaltzaingoa.jpg)
Irungo Udalak astelehenero emandako datuen arabera, azken astean (azaroaren 30etik hilaren 6ra bitarte) 41 isun espediente zabaldu ditu Udaltzaingoak hirian, COVID-19arekin lotutako osasun neurriak ez betetzeagatik.
Espediente gehienak, 21 zehazki, musukoa ez erabiltzeagatik zabaldu dituztela jakinarazi du udalak; beste 19 ordutegiak eta lagun talde kopurua ez errespetatzeagatik eta bat establezimenduen ordutegia ez betetzeagatik.