Zabaltzen jarraitzen du Antxeta Irratiak
Irratiak sakelako telefonoetarako aplikazioa nahiz Telegram kanala herritarren eskura jarri ditu.
Antxeta Irratiak zabaltzeko bidean jarraitzen du. Hala, sakelako telefonoetarako bi baliabide berri jarri ditu nahi dutenen eskura: aplikazioa, eta Telegram kanala.
Aplikazioaren bitartez, emankizun guztiak entzuteko aukera izango dute hura jaitsi eta erabiltzen dutenek, zuzenean, eta edonon. Telegram kanalean, berriz, egunero irratiko albisterik nabarmenenak eta beste hainbat eduki jasotzeko aukera izango dute bertara harpidetzen direnek.
Aplikazioa Play Store (Android telefonoak) eta App Store (Iphoneak) plataformetatik jaitsi daiteke.
