Espainiako Hipika Errege Federazioko entrenatzaileak ikastaro berezia eskainiko du Jaizubia Hipikan
Ricardo Jurado adituak zaldiketan edota zaldien entrenamenduan hobetzen irakatsiko die eskualdeko ikasleei, urtarrilaren 2 eta 3an. Plaza kopurua mugatua izango da.
Ricardo Jurado. Urte berriari hasiera emateko ikastaro berezia antolatu du Jaizubia Hipika Klubak. Izan ere, Espainiako Hipika Errege Federazioko jauzien entrenatzaile Ricardo Juradoren bisita izango dute Zaldi Eskolan urtarrilaren 2an eta 3an, ikasleei klase magistral bat eskaintzeko. Halere, klubetik azaldu dutenez, baliteke azken orduko aldaketak egotea, pandemiaren hedapena dela eta.
Zaldiketa edota zaldien entrenamendua hobetzen lagunduko die adituak eskualdeko ikasleei. Abenduaren 2rako 15 plaza egongo dira, eta 3rako aldiz, 18. Halere, betez gero, urtarrilaren 4an eta 5ean beste jardunaldi batzuk egiteko aukera dagoela iragarri dute Jaizubiatik.
Izen emateak 638 074 570 telefono zenbakira deituta egin beharko dira, 100 euro ordainduta. Boxa behar dutenek 40 euroko gehigarria ordaindu beharko dute.
Ricardo Jurado
Espainiako Errege Federazioko entrenatzaileaz gain, hautatzailea ere bada 2018tik. Bost Espainiako Txapelketa eskuratu ditu, Europako hiru eta munduko bi.
