Atzo, COVID-19agatik 25 kutsatu Bidasoan, eta tasak beherantz
Atzo, Bidasoan 25 positibo gehiago atzeman zituzten atzo, 22 Irunen eta hiru Hondarribian. Hondarribiko tasa 300dik jaisteko bidean da.
![](https://bidasoa.hitza.eus/site/files/2020/11/baheketa.png)
Hondarribian batez ere, asko jaitsi da azken egunetan COVID-19aren intzidentzia tasa. Atzoko datuekin, 330,64an dago tasa hori (hiru positibo atzeman ziren atzo herrian). Irunen ere beherantz doa tasa hori, baina ez oso azkar: atzoko 22 positiboek 739an utzi dute azken hamalau egunetako 100.000 biztanleko tasa. Tasak beherantz doaz, baina hala ere, kutsatuak oraindik ere dezente dira eskualdean.
Atzo, Gipuzkoan, Araban eta Bizkaian COVID-19 atzemateko 12.311 proba egin ziren (9.149 PCR, eta 3.162 antigenoenak). Horietatik %5,6k eman zuen positibo.
Koadro honetan, Hondarribiko eta Irungo tasak, atzoko datuak barnebilduta:
- Irun: 739,58 (astelehenean 759,61).
- Hondarribia: 330,64 (astelehenean 377,87).
- Gipuzkoa: 785,70 (astelehenean 826,69).
Datu horiek eta beste hainbat gaur eman ditu Osasun Sailak txosten bidez. Hemen klik eginda lor daiteke hori (PDF artxiboa da).