Migranteentzat harrera duina eskatu dute gaur hamarnaka herritarrek
Bizitza salbatu edota krisi egoera jasangaitzetatik ihes egiteko migratu behar duten pertsona guztiei elkartasuna eta babesa adierazi diete gaur.
Elkarretaratzea egin dute gaur migranteei elkartasuna adierazteko San Juan Palzan. Argazkia: Harrera sarea Bizitza salbatu edota krisi egoera jasangaitzetatik ihes egiteko migratu behar duten pertsona guztiei elkartasuna eta babesa adierazi diete gaur. Harrera Sareak deituta elkarretaratzea egin dute hamarnaka lagunek San Juan plazan, ihesi datozenak, itsasoan galdutakoak direla esateko eta ez delitugileak, eta haientzat bide seguruak eta harrera duina exijitzeko.
Arguineguinera, Kanaria Handira iristen da orain migrante horiei erabiltzera behartzen ari diren bidea: “Bizitza jokatzera derrigortzen dituzte, eta behin uhartean, animaliak bezala pilatzen dituzte”.
Espainiako barne Ministroak itzulketen eta CIE zentroak zabaltzearen aldeko apustua egin duela salatu dute bildutakoek, “politika humanitario gisa”, eta horrek, ultraeskuinak gora egitea berriro ekarri duela diote. Milaka kilometrora, halako tragedia eta arrazakeriatik bizirik atera direnetako batzuk Irunen jasotzen dituzte. Ez dituztela ikusten instituzioek, eta lo egiteko ohea ere ukatzen dietela deitoratu dute gaurko elkarretaratzean.
Elkartasun osoa helarazi diote, azkenik, Kanaria Uharteei ere, “zinismoaren aurrean pertsona asko aktibatu baitira”.
