Arma Plaza Fundazioak 'Hondarribiko euskaran murgil zaitez!' liburuxka prestatu du
Euskaraldiarekin bat eginez Arigunea izateaz gain, Hondarribiko euskaran murgil zaitez! liburuxka argitaratu dute.
Arma Plaza Fundazioak bat egin du Euskaraldiarekin. Horregatik, Arigunea izango da. Gainera, Hondarribiko euskara guztien artean jorratzeko asmoa adierazi du Fundazioak, eta beraz, Hondarribiko euskaran murgil zaitez! liburuxka prestatu dute.
Hizki zopa, galdera sortak, hitz gurutzatuak eta bestelakoak topa daitezke bertan, eta familian egiteko ariketak direla esan dute. Hala ere, euskara ikasteak ez daukala adinik nabarmendu dute, eta interesa duen edonork jolas dezakeela.
Liburuxka hainbat lekutan eskura daiteke, hala nola, Arma Plaza Fundazioan, Portua Auzoko Turismo Bulegoan, Udal Liburutegian, Sokoa liburu-dendan eta Endanean.
Gainera, erantzunak asmatzen dituztenen artean Margotu Hondarribia liburuaren 20 aleren zozketa egingo dute. Izen ematea helbide elektroniko honetara idatziz egin daiteke.
Euskaraldia amaitzerakoan emango dituzte jakitera erantzunak orrialde honetan.
