Bertan behera utzi dituzte Kabigorriko bertso gauak
«Bertsolarien eta ikusleen segurtasuna bermatu ahal izateko» hartu dute erabakia. Egoerak hobera egiten duenean berreskuratuko dituzte.
Bertso Gau bat, Irungo Kabigorrin. Datozen asteotan ez da bertsorik entzungo Irungo Kabigorrin. Izan ere, hileroko lehen ostegunetako bertso gauak bertan behera uztea erabaki berri dute Kabigorrik eta Irunabar Irungo Bertsoaren Bilguneak. «Arauak gero eta estuagoak izanik, eta bertsolarien segurtasuna bermatu ahal izateko, pena handiz, bertan behera geratzen dira bertso saioak», esan dute Kabigorriko kideek. Egoerak hobera egiten duenean berreskuratuko dituzte saioak, baina oraindik ez dute datarik zehaztu.
