Mendebaldeko Saharako gaztediaren errealitatera gerturatuko dira Kabigorrin
Nuria Gonzalezek Saharan bildutako argazkiekin erakusketa bat osatu dute. Bihartik (osteguna) aurrera bisita daiteke.
Bihartik (hilak 29) erakusketa berezi batez gozatzeko aukera izango da Kabigorri ateneoan. Izan ere, Mendebaldeko Saharan giza eskubideen defentsaren aldeko borroka islatu ditu haren kameratik Nuria Gonzalez argazkilariak, eta erakusketa batean bildu ditu guztiak. Borroka horretan diharduten norbanako, talde edo komunitateak ikustarazi nahi ditu, sortzailearen arabera, «Saharako gaztediak eskubide anitzen urraketa jasaten baitu behin eta berriz».
Erakusketa bisitatzeko, ondorengo egunetan bertaratu beharko da Kabigorrin: bihar (hilak 29), larunbatean (hilak 30), igandean (hilak 31), azaroaren 5ean (osteguna da), azaroaren 6an (ostirala da) eta azaroaren 7an (larunbata da).
