«Kalitatezko osasun sistema publikoa» aldarrikatuko dute Dunboa anbulatorioan
Elkarretaratzea egingo dute gaur osasun langileek, 19:00etan, murrizketarik eta pribatizaziorik ez dutela nahi aldarrikatzeko.
Kalitatezko osasun zerbitzu publikoa aldarrikatuko dute gaur (hilak 28) osasun langileek Irunen, Dunboa anbulatorioan hain zuzen ere. 19:00etan egingo dute elkarretaratzea. Sare sozialetan antolatzaileek azaldu dutenez, lehen arretarako baliabide gehiago inbertitzea exijituko dute, «osasungintzaren inbertsioa BPGaren %7a gutxienez» izan dadila. Era berean, murrizketarik eta pribatizaziorik ez dutela nahi oihukatuko dute.
Bertaratzeko interesa dutenei gogoratu diete musukoarekin joatea derrigorrezkoa izango dela. Distantziak ere mantenduko dituzte gaurko mobilizazioan.
Erlazionatutako edukia«Osasun langileen mobilizazioetan egoteko aukerarik ez dugun arren, gure bihotzak haiekin daude»
