Txingudiko bertso eskola, prest ikasturte berrirako
Bertsolaritzaren munduan trebatzeko interesa dutenek aukera paregabea izango dute aurten ere, Irunabar Bertsoaren Bilguneari esker. Bost talde ezberdinetan banatuko dituzte ikasleak.
Bertsolaritzaren munduan trebatzeko aukera paregabea eskainiko du aurten ere Irunabar Irungo Bertsoaren Bilguneak; Txingudiko bertso eskolan dena prest dute ikasturte berrirako. «Iraila heldu da eta harekin batera ikasturte berria. Bistan da martxoaz geroztik gurean zabaldu den izurriteak arazo bailara eragin duela edozein jarduera egin ahal izateko. Hala eta guztiz ere, aurten ere ekingo diogu ikasturteari», diote Irunabarrekoek. Beraz, 2020-2021 ikasturtean izena eman nahi dutenek dagoeneko aukera dute, helbide honetara idatziz.
Segurtasun neurri zorrotzak hartuko dituztela jakinarazi dute. Ondorengo bost taldetan parte hartzeko aukera izango dute interesdunek:
- Gaztetxoen taldea (eguna zehazteke): 17:00etatik 18:00etara, Bidasoko AEK Euskaltegian. Harremanetarako 615 673 339 (Irati) zenbakira hots egion beharko da.
- Bat-batean 1 taldea: astelehenero bilduko dira, 19:00etatik 21:00etara (lekua zehazteke) . Harremanetarako 669 366 589 (Egoitz) zenbakira deitu beharko da.
- Bat-batekorako hastapenak taldea (eguna zehazteke): 19:00etatik 21:00etara, Bidasoako AEK Euskaltegian. Harremanetarako 615 573 399 (Irati) zenbakira deitu beharko da.
- Bat-batean 2 taldea: ostegunero bilduko dira, 19:30etik 21:30era, Hondarribiko Jaizubia auzo elkartean. Harremanetarako 690 065 826 (Abel) zenbakira deitu beharko da.
- Bertso tailerra: hamabostean behin egingo dute, 19:00etatik 20:30era, Hondarribiko Muara elkartean. Harremanetarako 685 727 539 (Aitor) zenbakira hots egin beharko da.
Informazio eta xehetasun gehiago, esteka honetan kontsulta daitezke.
