[Bideoa eta galeria] Garaipen handiari tamainako harrera
Garaipen handiari tamainako harrera egin zieten atzo hondarribiarrek. Jende pilaketa handirik ez, ospakizun arraroan. Irunen ere egin zieten harrera.
Udaleko agintarien partetik harrera jaso zuten atzo arraunlariek. Hamalaugarren Kontxa irabazita, Ama Guadalupekoa traineruko kideek bandera herritarrei eskaini zieten. Donostian ospakizun xumea egin ondoren (portuko arrapala hutsa zegoen), lehenik Irun aldera joan ziren trainerukoak, eta ondoren Hondarribira, herrira. Bietan, herritarrei eskaini zieten bandera era sinbolikoan, herritarren presentziarik ez zelako izan segurtasun kontuengatik.
Hondarribian bai egin zutela kalejira txikia 14. Kontxarekin. Lehenik Kale Nagusitik udaletxera, eta ondoren, San Pedro kaletik Hermandadera. Hor bai izan zituztela hainbat herritar ondoan, baina masifikaziorik gabe. Aurten ez da tokatzen ospakizun jendetsurik egitea.
Kontxakoak arrakastaz eginda, jada larunbat eta igandean pentsatzea tokatzen da. Eusko Label Liga irabazi ahal izateko oso fin ibili beharko dute Mikel Orbañanosek entrenatutakoek. Aurrean Santurtzi izango dute, eta bi puntuko aldea.
-
- Hondarribiko udaletxean, atzo. Argazkia: Hondarribia AE.
-
- Irungo udaletxean, atzo. Argazkia: Hondarribia AE.
-
- Donostiako portuko arrapalan, atzo. Argazkia: Irutxuloko Hitza.
-
- Bandera hartu berritan, atzo. Argazkia: Festak Donostia.
-
- Bandera hartu berritan, atzo. Argazkia: Festak Donostia.
