Auntxa Trikitixa Eskola, prest ikasturte berrirako
Trikitia edota panderoa jotzen ikasteko interesa dutenek dagoeneko izena eman dezakete.
Irungo Auntxa Trikiti Eskolak dena prest du ikasturte berrirako. Trikitia edota panderoan trebatzen hasteko interesa dutenek aurten ere aukera paregabea izango dute irailetik aurrera. Izen emateak helbide honetara idatzi edo 943 618 839 edo 615 790 510 telefono zenbakietara hots egin beharko da. Halere, oraindik ez dute ikasturte berriaren datarik zehaztu, datozen egunotan eskolak horren berri emango du.
Anaka auzoko Aldabe Mendia kaleko 31. zenbakiko lokalean eskainiko dituzte ikastaroak. Eskolatik zehaztu dutenez, sei urtetik gorako irundarrek eman dezakete izena. Ikasturtean zehar taldekako saio bereziak eskainiko dituzte, urtean zehar ohikoak diren emanaldiak prestatzeko.
