Mendi Filmeko onena Kasino Zaharreko lorategietan
Zazpi izango dira hilaren 18ko 22:00tan emitituko diren tituluak.
Mendi Filmeko programazioaren kartela. Argazkia: Hondarribiko Udala Mendi Filmeko lan onenak eskainiko dituzte Hondarribiko Kasino Zaharreko lorategietan hilaren 18an. Hitzordua 22:00tan izango da; eta sarrera doan izan arren, gonbidapena beharrezkoa izango da. Interesdunek Arma Plazan eta Kutxabanken izango dute gonbidapenak eskuratzeko aukera.
Filmak jatorrizko bertsioan emitituko dira, gehienak euskarazko zein gaztelerazko azpitituluekin. Ikusgai egongo diren lanen tituluak hurrengoak dira: In Perpetual Motion, Harria Herria, Where the Wild Things Keep Playing, The Search for the Wooo, Cant Ski Vegas, Allein (Alone) eta Climbing Blind dira. Lehenengo seiek 4 eta 11 minutuen arteko iraupena dute, eta azkenak ordubete ingurukoa.
