Hondarribia ezagutzeko beste bi proposamen egin ditu Arma Plazak
Norbera bere kabuz Hondarribia ezagutzeko proposamenak dira biak, eta orain arte egindako eskaintza berria osatzeko aldera aurkeztu ditu informazio guneak.
Arma Plaza informazio guneak Hondarribia ezagutarazteko bi proposamen berri plazaratu ditu gaurkoan: Hondarribiko erlijio ondarea 15.000 urratsetan, batetik eta Livingstone doktorea ezagutu ezazu, bestetik. Osasun larrialdi krisia hasi zenetik bisita birtualak eta norbera bere kabuz Hondarribian turismoa egiteko aukera ezberdinak argitaratuz joan da informazio gunea, eta azken bi aukera horiek orain arte eskaintza osatzera datozela azaldu dute arduradunek. Bertan kontsulta daitezke ibilbide guztiak.
