Haurdun dagoen emakume bat kalean utzi du bart Irungo migranteentzako aterpetxeak
Irungo Harrera Sareak salatu du kalteberetasun egoeran dagoen pertsona bat berriro ere babes gabe utzi duela aterpeak.
Bart gauean babes eske joan den eta lau hilabeteko haurdunaldia duen emakumeari eta bere gizonezko bikotekideari ostatua ukatu die Arretxeko Gainean dagoen migranteentzako aterpetxeak. Irungo Harrera Sareak salatu du ez dela lehen aldia arrisku egoeran dagoen pertsona bat kalean uzten dutena, eta harrera baldintzek behar duten horien segurtasuna mantentzea ezinbestekoa dela aldarrikatu du taldeak.
Aterpetxeko harrera baldintzak betetzen ez zituztela argudiatuz ukatu dio sarrera aterpeak laguntza bila joandako bikoteari. IHS-k aldarrikatu du babes etxeak sarbide irizpideak ez dituela modu berdinean aplikatzen kasu guztietan, eta horrek kalteberetasun arriskuan dauden kolektiboen segurtasunaren alde egin baino, babes gabe uzten dituela hainbat pertsona.
