Astelehenean zabalduko du CBA liburutegiak ikasketa gela
Edukiera mugatuarekin hartuko du martxa liburutegiak, «babes neurriak eta distantzia errespetatuz». Babes maskara erabiltzea derrigorrezkoa izango da.
![](https://bidasoa.hitza.eus/site/files/2018/09/CBA.jpg)
Datorren astelehenetik (hilak 22) aurrera, CBA liburutegiko ikasketa gela erabilgarri izango da. Halere, edukiera mugatuarekin hartuko du martxa liburutegiak, «babes neurriak eta distantzia errespetatuz». Astelehenetik ostiralera zabalduko dute aretoa, 9:00etatik 13:00etara eta 16:0e0tatik 19:00etara. Une oro maskararen erabilera derrigorrezkoa izango dela azaldu du udalak.
Bi txandatan banatuko dituzte erabiltzaileak: goiz edo arratsaldekoan. Erabiltzaile bakoitzak txanda bat erreserbatzeko eskubidea izango du. . Aretoa erabili ahal izateko aldez aurretik hitzordua hartu beharko da, 943 50 54 21 telefono zenbakian.