Etxetik jokatuko dute aurtengo sanmartzialetako xake txapelketa
Bidasoa Xake Taldeak ekainaren 27an (larunbata da) egingo du Irun San Martzial Xake Txapelketa. Izen emateak, zabalik jada.
Aurten ere xakeaz gozatzeko aukera izango da. Bidasoa Xake Taldeak aurtengo sanmartzialetarako txapelketa berezia antolatu berri du. 2020ko Irun San Martzial Xake Txapelketa jokatu dute ekainaren 27an (larunbata), online bidez. Horretarako, Lichess-org plataforma erabiliko dute.
14 urte azpiko eta 10 urte azpiko mailatan banaturik lehiatuko dira partaideak, 11:00etatik aurrera. 7 txanda, 7 minutu suitzar sistemarekin jokatuko dute,; jokaldi baten eta ondorengoaren artean 30 segundoko aldea egongo da.
Izena emateko, esteka honetara jo beharko da. Sariak aldiz, urrezko, zilarrezko eta brontzezko dominak izango dira (egungo egoera dela eta, PDF formatuan banatuko dituzte). Bestalde, laugarren eta zortzigarren postuen artean gelditzen direnei diploma baten entrega egingo diete.
