Ikastaro berezia eskainiko du Bidasoa Xake Taldeak uztailean, modu telematikoan
Bost saio eskainiko dituzte. Xakearen arauak, harrapaketak, xake matea, koroazioa, berdinketak... Guzti hori irakatsiko diete.
Xakean murgiltzeko aukera eskainiko dute urritik aurrera. Xakearen munduan murgiltzeko interesa dutenek, aukera paregabea izango dute uda honetan. Izan ere, Bidasoa Xake Taldeak online bidezko xake ikastaroa eskainiko du bost saiotan, «bidasoar guztiei zuzendua, edozein adinei begirakoa».
Xakearen arauak, harrapaketak, xake matea, koroazioa, berdinketak… Guzti hori irakatsiko diete partaideei eta horretarako, bideo argigarriak, ariketa praktikoak, partidak eta lehiaketa bat antolatu dute.
Ikastaroa uztailaren 2an (osteguna) egingo dute; bigarrena uztailaren 6an (astelehena); hirugarrena uztailaren 9an (osteguna); laugarrena uztailaren 13an (astelehena) eta azkena aldiz, uztailaren 16an (osteguna). Guztiak, 17:00etatik 18:30era bitarte luzatuko dituzte.
Izena emateko interesa dutenek, helbide honetan apuntatzeko aukera dute. Informazio eta xehetasun gehiago, lotura honetan.
