Bidasoko hainbat linea behin-behinean berregituratu ditu Ekialdebusek
E23, E24 eta E28 autobus zerbitzuetan aldaketak egin ditu Ekialdebusek aste honetan, eta gogorarazi duenez, gaueko zerbitzua etenda dago oraindik.
Osasun larrialdi egoera ezarri zenetik, hainbat moldaketa egin ditu Ekialdebusek autobus zerbitzuetan, eta oraingoan, Bidasoko zenbait linea behin-behinean berregituratzea erabaki du. Aste honetan sartu dira indarrean aldaketak, eta E23, E24 eta E28 zerbitzuei eragin diete. Hala, lehenengo biak, Irunetik zein Hondarribitik Ibaetara doazenak, bertan behera utzi ditu momentuz autobus konpainiak. E28aren kasuan, ordea, Aireportua, Hondarribia, Irun eta Donostia lotzen dituenak, zerbitzu gehigarriak abiatu ditu 06:40ean eta 07:40ean. Gaueko zerbitzuak etenda segitzen duela oroitarazi dute Ekialdebusetik.
Bertan kontsulta daitezke Ekialdebuseko Bidasoko ordutegi berriak.
