Ikasleek konfinamendu garaian egindako lanekin zabalduko dute Amaia KZko erakusketa aretoa
Udal Marrazketa eta Pintura Akademiako ikasleek konfinamendu garaian egindako lanek apainduko dituzte erakusketa guneko hormak. Hilaren 14ra bitarte bisitatzeko aukera izango da.
Luis Irisarriren argazki erakusketa egingo dute ostiraletik aurrera. Bihartik (hilak 2) aurrera, Amaia Kultur Zentroa pixkanaka normaltasunera itzultzen hasiko da; bihar zabalduko dituzte ateak, soilik erakusketa galeria bisitatzeko. Eta erakusketa berezi batekin helduko da irekiera, izan ere, Udal Marrazketa eta Pintura Akademiako ikasleen lanak ikusgai izango dira, etzitik (hilak 3) hilaren 14ra bitarte.
Konfinamendu garaian ikasleek egindako lanek apainduko dituzte galeriako hormak. Bi zatitan banatuko dute: batetik, martxoaren bigarren astera bitarte egindako lanak bildu dituzte, eta bestetik, etxetik egindakoak. Lehenengo atalean, paisaiaren eta irudiarekin lotutako hainbat lan bildu dituzte (olio lanak); bigarrenean aldiz, konfinamendu garaian paperean egindako formatu txikiko lanak.
Bisita ordutegia, honakoa izango da: asteartetik larunbatera 18:00etatik 21:00etara eta jai egunetan 11:30etik 13:30era.
