Bertako Igogailuak enpresarekin hitzarmena berritu du arraun elkarteak
Emakumeen trainerua datozen hiru denboraldietan babestuko du enpresak; lankidetza «emankorra» dela iritzi dio arraun elkarteak.
Bertako Igogailuak enpresak nesken trainerua babestuko du 2022ra arte. 
Hondarribia Arraun Elkarteko emakumeen traineruak Bertako Igogailuak enpresaren babesa jasoko du datozen hiru denboraldietan. 2022. urtera arteko hitzarmena sinatu dutela jakinarazi du arraun elkarteak, eta 2018an babesle lanetan hasi zenetik lankidetza «emankorra» izan dela gaineratu du.
Izan ere, 2018tik bilakaera «garrantzitsua» izan duela emakumeen traineruak iritzi diote arraun elkarteko arduradunek. Aurrera begira, trainerua «sendotzea» izango da hurrengo helburu nagusia.
«Akordio berri honen bidez, Bertako Igogailuak-ek emakumeen kirola orokorrean, eta bereziki, gure eskualdeko arraunaren aldeko apustua berretsi du», adierazi dute zuzendaritzako kideek.
