Tokiko denda eta ostalaritza guneekin harremanetan jarriko da Irungo Udala
Tokiko denda eta ostalaritza guneekin harremanetan jarriko da Irungo Udala, jakiteko ezin egoeran dauden, laguntza plana osatze aldera.
Irudi hau errepikatu da azken asteetan hiriko taberna inguruetan. Lehen eskutik ezagutu nahi du Irungo Udalak hiriko denda eta ostalaritza guneen egoera zein den, zein behar dituzten, koronabirusaren krisiaren harira. Horregatik, establezimendu horietako jabeekin harremanetan jarriko da datozen egunetan telefono dei bidez, 900ekin hitz egitea da asmoa. Horren arabera, horiek laguntzeko neurri sorta osatuko du udalak, jakiten duenean zehatz zeintzuk diren behar horiek.
Bidasoa Bizirik-ego zortzi langilek egingo dute harremana tokiko denda eta ostalaritza guneekin. Fakturazioaz, langile kopuruaz, enpresaren beste xehetasunez, edo euren zerbitzuak online eskaintzen ote dituzten galdetuko diete. Horrez gain, laguntzarako beste bideren bat zabaldu duten jakin nahi du udalak.
Horrez gain, udalak informazioa emango die establezimenduei, esanaz Bidasoa Bizirik-ek badituela bitartekoak sortu diren diru laguntza poltsetara iritsi ahal izateko.
Komertzioren batek deirik jasotzen ez badu, jar dadila harremanetan Bidasoa Bizirik-ekin posta elektroniko bidez.
