'Ezki bat babestu nahi dut' kanpaina abiarazi dute Artiako Lagunek
Talde, enpresa txiki eta elkarteak inplikatu nahi dituzte, Juan Thalamas Labandibar kaleko 47 zuhaitzak babestu ditzaten.
Artiako Lagunak taldeak 109 zuhaitzen mozketa salatu du. Artiako Lagunek etxetik ere borrokan jarraitzen dute. Joan den martxoan udalak Juan Thalamas Labandibar kaleko 47 ezkiren mozketa gelditu bazuen, larrialdi egoeraren ostean zuhaitzek arriskuan jarraituko dutela salatu dute berriro ere. Horregatik, mozketa behin betiko ekiditeko asmoz, talde, enpresa txiki eta elkarteak inplikatu nahi ditu elkarteak, ezkien babes kanpaina batekin.
Ezki bat babestu nahi dut kanpainarekin hasi berri dira jada. Hellbide honetara idatziz, ‘ezki bat babestu nahi dut’ mezuarekin, elkarteak babeserako beharrezkoa jasoko du. Eskaerari erantzunez, Artiako Lagunek konpromisoa hartu dute denei ezkiaren zenbakiarekin batera babes ziurtagiria eskuragarri jartzeko. Bide batez, Irungo Udalak ezki hori zaindu eta mantentzeko ekintza «zehazki eta objektibotasunez» egiten dela ziurtatuko dute elkarteko kideek.
Era berean, bigarren txosten «objektibo eta zehatzagoa» eskatu diote udalari Artiako Lagunek, «Berdeguneen eta Zuhaiztien Plan Zuzentzailean eta Irungo Jasangarritasunaren aldeko II. Ekintza Planean (2015/2025) deskribatzen diren berdegune eta zuhaiztiei buruz Udalak Irungo herritarrekin dituen konpomisoak bete ditzan». Horretarako, Change.org plataforma hau baliatzen ari dira, herritarren babesa jasotzeko.
