Gaurko balkoi eta leihoetako agenda
Oarsoaldeko eta Bidasoko herrietako etxebizitzetako balkoi eta leihoetara aterako dira herritarrak aitortza edo protesta saioak egitera.
Itxialdi aroan gaude. Horren harira, azken egunetan herritarrak balkoi eta leihoetara ateratzen ari dira, arnas pixka hartzearekin batera, aitortza edo protesta egintzak egitera.
Gaur ere hala izango da. HITZAk, bi deialdiren berri du. Honakoak:
- 19:30ean, bost minutu zaratatsu euskal presoen, iheslarien eta deportatuen alde.
- 20:00etan, osasungintzako langileei aitortza txalo zaparrada bidez.
Gehiago baleude, mesedez, helarazi HITZAra posta elektronikoz.
