Artiako lagunak: «Jasotako 1.500 sinaduren aurrean ez ikusiarena egin dute»
Azken egunotan udalarekin harremanetan jartzen saiatu dira, Juan Thalamas Labandibar kaleko zuhaitzen mozketa ekiditeko asmoarekin, baina oraindik ez dutela erantzunik jaso salatu dute.
Artiako Lagunak taldeak 109 zuhaitzen mozketa salatu du. Artiako lagunek tinko jarraitzen dute Juan Thalamas Labandibar kaleko zuhaitzen mozketa ekiditeko borrokarekin. Azken egunotan udalarekin harremanetan jartzen saiatu dira, zehazki Jon Ugarte hirigintzako arduradunarekin, baina oraindik erantzunik jaso ez izana salatu dute amorruz. «Dena onartua eta planifikatua dute, zuhaitzen mozketa astelehenean (hilak 23) has daitezen. Jasotako 1.500 sinaduren aurrean ez ikusiarena egin dute», salatu dute taldeko kideek.
Erantzunik jaso ez arren, azken saiakera bat egingo dute Artiako lagunek. Irungo Udalari protestazko mezu elektronikoak bidaltzeko deia egin dute herritarren artean. «Bizilagunek udalarekin hitz egiteko eseri nahi dugu, ez baitugu gure bizilagunak diren zuhaitzak moztea nahi», gehitu dute taldetik.
Erlazionatutako edukiaIa 1.200 sinadura lortu dituzte Artiako lagunek109 zuhaitz arriskuan daudela salatu du Artiako Lagunak taldeak
