BATen kirol jarduera guztiak, bertan behera
Koronabirusari aurre egiteko Gipuzkoako Foru Aldundiak emandako jarraibideak kontuan hartuta, abisu berria izan arte jarduera guztiak etengo dituzte.
BATeko talde guztiek etengo dute euren jarduna. Bidasoa Atletiko Taldeak (BAT) jakinarazi berri duenez, klubaren kirol jarduera guztiak bertan behera gelditu dira. Koronabirusari aurre egiteko Gipuzkoako Foru Aldundiak emandako jarraibideak kontuan hartuta, bihartik aurrera (hilak 13), eta abisu berria izan arte, ondorengo jarduerak bertan behera utziko dituzte:
- Atletismo eskolako entrenamendu eta lehiaketa guztiak (Irun eta Hondarribian).
- Sasoian jartzeko jarduera guztiak.
- Atletismo egokituen jarduera guztiak.
- Hainbat ikastetxetan egindako kirol hastapen jarduera guztiak (Irun eta Hondarribian).
Kirol federatuari dagokionez, entrenamenduak eteteko gomendioa jaso du klubak, beraz, bihar bertan prozedurak zehaztuko dituztela jakinarazi dute taldeko iturriek.
