Ikasturteko seigarren Bertso Gaua, martxoaren 5ean
Kabigorriko saioa 19:30ean hasiko da. Nahikari Gabilondo, Aitor Sarriegi, Iñigo Ugarte eta Ane Zuazubiskar izango dira bertsolariak.
Irunabar Irungo Bertsoaren Bilguneak prest du urteko hirugarren Bertso Gaua, ikasturteko seigarrena. Martxoaren 5ean izango da (osteguna), beti bezala, Kabigorrin eta 19:30ean hasita.
Bertsotan ariko direnak Nahikari Gabilondo zarauztarra, Aitor Sarriegi beasaindarra, Iñigo Ugarte irundarra eta Ane Zuazubiskar arrasatearra dira. Saioa Gotzon Aizpiolea irundarrak gidatuko du. Bertso jarriak, berriz, Xabier Isasi hondarribiarren esku.
Nahi duenak, Kabigorrin afaltzeko aukera izango duela jakinarazi dute Irunabarreko kideek.
