1936ko gerran fusilatutako bost milizianoren bila ari dira Guadalupen
Goizeko 10:00etan hasi da lanean Aranzadi zientzia elkarteko hondeamakina; lehen gunean egindako indusketek ez dute emaitzarik eman, baina beste bi zona arakatuko dituzte.
Hondeamakinak bost milizianoen gorpuen bila Guadalupeko gotorlekuan (Irudia: Abotsanitz). 
Abotsanitzek eman du albistearen berri sare sozialen eta udal taldearen webgunearen bitartez: 1936ko gerran fusilatutako bost milizianoren gorpuen bila ari dira Guadalupeko gotorlekuan. Goizeko 10:00etan hasi da hondeamakina lanean, eta lehen guneak emaitzarik eman duen arren, beste bi gunetan egingo dituzte Aranzadi zientzia elkarteko kideek indusketak.
1936ko irailaren 6an fusilatu zituztela azaldu du Abotsanitzek, «gotorlekua babesten ari ziren tropa kolpistak iritsi zirenean, eta bertan erail zituzten, gotorleku barruan. Beren gorpuak sekula ez dira agertu, eta historialari batzuek uste dute hil zituzten tokian bertan lurperatu zituztela».
Udal gobernuak ez du momentuz gaiaren gaineko informaziorik zabaldu. Arratsaldean ekingo diete berriz ere Aranzadiko kideek indusketa lanei.
