Egun batean agortu dira idazkuntza tailerrean parte hartzeko lekuak
Atzo goizean zabaldu zuten izena emateko aukera eta arratsaldeko 19:00etarako toki guztiak beteta zeudela jakinarazi dute liburutegiko arduradunek.
Urtarrilaren 31n, ostiralarekin, aurkeztu zuten Juan Luis Silanes Kalixa Hezkuntza eta Kultura zinegotziak, Kote Guevara Hondarribiko liburuzainak eta Itziar Sistiaga idazle irundarrak Hondarribiko lehenengo sormen idazkuntza tailerra. Denera, hogei lagunentzako lekua eskaintzen zuen ikastaroak, eta atzo ireki zuten bertan izena emateko aukera. Hala eta guztiz ere, atzo bertan, arratsaldeko 19:00etarako beteta zegoela jakinarazi dute udal liburutegiko arduradunek. Hori horrela, izena emateko interesa zuten lagunek inprimakia bete dezatela adierazi dute, eta ikastaroak aurrera egin ahala lekuren bat libre geratuz itxaron zerrendakoekin harremanetan jarriko direla gaineratu dute.
