Ander Elosegi eta Olazabal anai-arrebek eslalomeko denboraldi berria hasi dute
Ozeaniako Eslalom Txapelketa jokatu dute asteburuan irundarrek. Elosegi laugarren izan da, Klara Olazabal zazpigarren eta Telmo Olazabal hamahirugarren.
Olazabal anai-arrebak eta Elosegi, Ozeanian. Santiagotarrak taldeko Ander Elosegi eta Klara eta Telmo Olazabal anai-arrebek jada denboraldi berria hasi dute. Asteburuan Ozeaniako Slalom Txapelketan aritu zen hirukotea, Zeelanda Berriko Vector Wero Wildwater parkean. Lehiaketa honekin eman diote hasiera eslalomeko nazioarteko txapelketari.
Elosegi laugarren izan zen C1 kategorian. Klara Olazabal berriz, zazpigarren heldu zen helmugara (C1) eta Telmo Olazabalek hamahirugarren sailkatzea lortu zuen, K1 kategorian. Elosegi eta Klara Olazabalek finalera heltzea lortu zuten, zortzigarren eta hamahirugarren postuan zehazki. Telmok berriz, ez zuen finalerako txartela eskuratzeko aukerarik izan.
Ur bizietako kirolariek Galizian izango dute hurrengo hitzordua. Hilaren 15 eta 16an Estatuko Kopa jokatuko dute irundarrek.
