PSE-EEk ez du U-30eko Greba Orokorrarekin bat egingo
Grebarako eskubidea errespetatu arren, deialdi honek «pentsiodunen mugimendua zatitzen duela-eta» ez dute mobilizazioekin bat egingo.
Hondarribiko PSE-EEren Udal Taldeak ez duela ostegunerako deitutako greba orokorrarekin bat egingo jakinarazi du gaur goizean komunikabideetara bidalitako ohar baten bidez. «Greba eskubidea errespetatzen dugu, herritarrek horretarako duten eskubidea bezalaxe», dio oharrak, baina deialdiarekin bat egiten ez dutela zehazten du «pentsiodunen mugimendua zatitzen duela» argudiatuta. «Deitzaileek mugimenduaren aniztasuna ukatzen dute», gaineratu du.
Hala, pentsioen murrizketen aurka daudela dio testuak, eta ildo horretan, «adina pentsio bermatzeko sistema publikoa» dela talde sozialistaren apustua eransten du. Udal alderdiak ohartarazi duenez, «demagogia alboratzea ezinbestekoa da horretarako».
