Erdi Aroa eta musika uztartuko ditu Hiribilduen Sareak
'En Clave de RE-D' egitasmoa harresien barruan edota inguruan musika emanaldiak antolatzean datza, martxotik azarora bitartean, sarea osatzen duten herri ezberdinen artean.
Txomin Sagarzazu alkateari dagokio aurten sarearen presidente izatea. 
Txomin Sagarzazu Hondarribiko Alkateak eta Hiribilduen Sareko presidenteak En Clave de RE-D egitasmoaren berri eman zuen pasa den astean Fitur Nazioarteko Turismo Azokan (Madril), EAEko standean. Harresien barruan edo horien inguruan musika emanaldiak martxotik azarora bitartean antolatu nahi dituzte sarea osatzen duten hamaika herrietan zehar. Lehen kontzertu zikloa Hondarribiak hartuko du XXXVIII. erlijio musika jaialdiarekin.
Erdi Aroa eta musika uztartzean datza iniziatiba eta antolatzaileek jakinarazi dutenez, Erdi Aroko Pintxo Lehiaketarekin eta Red-Corriendo el Medievo lasterketarekin batera eskaintza turistikoa osatzea da sarearen helburu nagusia.
