Irun eta Hondarribia beste urte batez Fitur azokan izango dira
«Turismoaren profesionalei zein bisitariei eskualdeko ondare, natura eta balio historikoren inguruko informazioa eskaintzeko» baliatu nahi du Bidasoa Bizirik-ek feria.
Miguel Angel Paez eta Maria Serrano, gaurko agerraldian. Bidasoa Bizirik-i esker, Irun eta Hondarribiko Udalek aurten ere txoko bat izango dute Madrilgo Turismoaren Nazioarteko Fitur azokan. Bihartik (hilak 22) igandera bitarte (hilak 26) luzatuko dute feria.
«Fitur sektorearen berritasun eta jardueren agertokirik handiena da, aukera paregabea da turismoaren profesionalei zein bisitariei eskualdeko ondare, natura eta balio historikoren inguruko informazioa eskaintzeko», adierazi du Bidasoa Bizirik-eko presidente Miguel Angel Paezek.
Era berean, azkenaldian eskualdeko Turismoaren Dinamizazio Plana garatzen aritu direla nabarmendu dute Bidasoa Bizirik-eko kideek, eta datozen asteotan aurkeztuko duela.
