Peio Bixente eta Diana kaleko obrak, martxan
Alde batetik, Diana kaleko zati batean espaloia jarriko dute, eta bestetik, Peio Bixente kalea osotasunean hobetzea aurreikusi du udalak.
Aste honetan hasi dituzte lanak. Irungo Udalak jakinarazi duenez, aste honetan hasi dituzte Peio Bixente eta Diana kaleak hobetzeko obrekin. Alde batetik, Diana kaleko zati batean espaloia jarriko dute, eta bestetik, Peio Bixente kalea osotasunean hobetzea aurreikusi du udalak.
Peio Bixente kaleko obrekin jarraipena emango diote Tadeo Murgian egindako hobekuntzei, honek ere espaloiak hobetzeko helburua baitzuen. Obrekin espaloiak hobetzeaz gain, handitu egingo dituzte, hala nola, argiztapena, ur kanalak eta saneamendu guztiak hobetu. Diana, Peio Bixente eta Tadeo Murgiako proiekturako udalak 333.069,74 euroko aurrekontua du. Datorren martxo eta apirila bitartean amaitzea aurreikusi dute.
Obra hauei lotuta, udalak jakinarazi du beste bost eremutan ere antzeko lanak egingo dituztela. Hala, Meaka, Martxoak 8, Navegantes eta Miguel de Astigar kaleak izango dira hurrengoak.
