ZALDUNBORDA

Jende ugarik parte hartu du ekologistek antolatutako Zaldunbordako bisitan

200 bat lagunek parte hartu dute Irunetik Zaldunborda Gainara antolatutako irteeran. Egitasmoak eragingo dituen ingurumen kalteak aztertzea izan da xedea.

Rebeka Ruiz

Hondarribia,Irun

2020/01/13

Eguzki eta Bidasoaldeko Lagunak talde ekologistek Zaldunbordara antolatutako bisita.

Eguzki eta Bidasoaldeko Lagunak talde ekologistek Zaldunborda Gaina eremura bisita informatiboa egin zuten atzo. Eguzkiak lagunduta, 200 bat lagunek bat egin zuten hitzorduarekin, eta Hondarribia Village outlet erraldoia eraikiko den eremuraino gerturatu ziren, eragingo diren ingurumen kalteak aztertzeko helburuarekin.

Mugimendu ekologistako adituek proiektuaren ezaugarrien berri emateaz gain, orain arte eragindako «txikizioa» eta eremuaren «balore naturala» izan zituzten hizpide. Nabarmendu zutenez, outlet erraldoiaren proiektua Natura 2000 sarearen hiru espazioen artean kokatuta egongo da, Jaizkibel, Jaitzubia-Txingudi eta Aiako Harria artean, «konektibitate aldetik berebiziko garrantzia» duen gunea dela ohartarazi zuten.

Azkenik, hainbat sektoretatik egitasmoaren aurka aurrera eramaten ari den kanpainari egindako «ekarpen gisa» baloratu dute bisita.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.