Etxeberri landa bidea hobetu du udalak
2016an hasi zituzten lehen lanak, eta ordutik, Ama Xantalen ermita, Ibaietako Gaina eta Laskoain eta Arbelaitztxipi baserrien arteko errepidea hobetu dute.
Gaur bisitatu dute udaleko ordezkariek eremua. Etxeberri landa eremua bisitatu du gaur Obren saileko ordezkari Cristina Labordak. Bertan jakinarazi duenez, landa bideko erreparatze lanen hirugarren fasea amaitu berri dute. Obren helburua errepideko zatidurak eta zuloak konpontzea izan da. 2016an hasi zituzten lehen lanak, eta ordutik, Ama Xantalen ermita, Ibaietako Gaina eta Laskoain eta Arbelaitztxipi baserrien arteko errepidea hobetu dute.
Azken fase honetan Martitxeneko Gaina eta Laskoain arteko zatia hobetu dute, 430 metroko luzeran. «Landa auzoen arteko loturan funtsezkoa da Etxeberriko bidea, hainbat nekazaritza ustiategi eta baserriri ematen die zerbitzua, eta ibilbide hori egunero erabiltzen dutenek ez ezik, mendi ibilaldi zaleek ere asko erabiltzen dute. Horregatik , etorbidea egoera onean mantentzea bezain beharrezkoa da gure landa bideez ere arduratzea», adierazi du Labordak.
