Harresia izango dute hizpide datorren 'Ezagutu zure hiria'-n
Ostiralean hitzaldia emango du Fernando Cobos arkitektoak, eta larunbatean bisita gidatua antolatu du Arma Plaza fundazioak.
Hondarribiko harresiak izango dituzte hizpide datorren ‘Ezagutu zure hiria’-n.
Ezagutu zure hiria jardueraren abenduko saioak Hondarribiko harresiak izango ditu aztergai. Hitzordu bikoitza antolatu du aste honetarako Arma Plaza fundazioak: batetik, hitzaldia ostiralean, eta bestetik, bisita gidatua larunbatean.
Fernando Cobos arkitektoak eskainiko du hitzaldia, gaztelaniaz, Descubriendo la muralla: el plan director –Hondarribiko harresia ezagutzen: plan zuzentzailea– izenburupean 19:00etan, Arma plazan bertan. Hondarribiko Errenazimentu garaiko harresia izango du hizpide Cobosek. Defentsa arkitekturan aditua izateaz gain, nazioartean ere ezagunena da arkitektoa.
Larunbatean bestalde, harresien inguruko bisita gidatua eskainiko dute. Ezinbestekoa izango da erreserba egitea horretarako. Informazio gehiagorako 943643677 edo 943644623 telefono zenbakietara deitu edo posta elektroniko bidez harremanetan jar daitezke interesdunak.
