Errandonea inguruko uraren kalitateaz ohartarazi du Txinzerrek
Ur horniketan hobekuntza lanak direla eta, presioak behera egin dezakeela eta ura nahasi samarra atera daitekeela adierazi du konpainiak.
Uraren kalitateaz ohartarazi du Txinzerrek.
Errandonea inguruko ur horniketan lanean ariko direla etzi, ostegunarekin, jakinarazi du Txingudiko Zerbitzuak-ek (Txinzer) ohar baten bidez. Lan horien ondorioz, uraren presioak behera egin dezakeela eta ura iluna zein nahasia egon daitekeela zehaztu du Bidasoko konpainiak. Ohartarazi duenez, kalitate eskasekoa izan daiteke lanak iraun bitartean eta osasuna kaltetzea ekidite aldera, ez kontsumitzeko aholkatu die inguruan bizi direnei.
Lan hauek Europar Batasunak diruz lagundutako H2020 ura eta adimen artifizialaren proiektuaren baitan kokatuta daudela jakinarazi du Txinzerrek. Ur galerak gutxitzea eta baliabideen kudeaketaren iraunkortasuna hobetzea dira helburu nagusiak.
Hori horrela, informazio gehiago nahi duten herritarrek 900 119 384 doako telefonora dei dezaketela gogorarazi du.
